Ha kawei ka jingjia kaba kham phylla ha Iew Iawmusiang Jowai, ha kaba uwei u rangbah, u ma Jarman Lamare u la ioh ban pyllait im ia kawei ka sim khlaw kaba wan na ka longing kum ka “Syiar khloo”. Kane ka la jia ha ka por ba u Lamare u la iohi ia katei ka sim kaba shongthait halor uwei wire shwa ba kan hap sha madan. Da ka jingiarap jong ki paralok, u la lah ban kem ia katei ka sim bad aiti noh ia ka sha ki nongtrei jong ka tnad Wild Life, West Jaintia Hills, ha ka jingsakhilang ruh u H.H Mohrmen.
U Jarman u dei u nongshong shnong ba pawkhmat jong ka Jowai .uba dei u nongshong shnong jong ka shnong Moosakhia bad uba dei u ba shong dukan rit ha Iawmusiang.
U Melanie Passah, Project Manager jong ka Foundation for Ecological Security (FES), u la ithuh ba katei ka jait sim (Kalij Pheasant), kiba juh don ha ki thaiñ shatei lam mihngi jong ka Ri India.
U Lamare, u la ong ba ka jingiada ia ki mrad ki mreng khamtam kiba lajan duh ka long kaba don kam ia uwei pawei u briew ne ka briew na ka bynta ban pynneh pynsah ia ki.