Ka jingialang paidbah ka seng Voice of the People Party (VPP), kaba la long ha kane ka 2 tarik u bnai Naiwieng 2024, kaba la pynlong ha ka shnong Umkiang East Jaiñtia Hills District, ka VPP ka la pynsngew sha ki paidbah namar ba ki don shibun eh ki rangbah kiba kylli ba ka seng VPP kan pyniakhun ïa ka election MDC na kane ka thaiñ Narpuh Constituency da u lane ka kyrtong ba kumno.
Na ka liang u President rangbah jong ka VPP u bah Ardent Miller Basaïawmoit u la pynshai bad u la ong ba ka seng lyngba ka State Election Committee ka la pynskhem ia kawei ka longkmie napoh kane ka shnong jong Constituency kata ka dei ka kong Deiwi Tongper
U bah Ardent, u la ong ruh ba, “Kum u briew hi wat ma nga ruh ngam dei uba biang nadong shadong ban sei ïa ki kyrtong hynrei ka Party pat ka ibit ban sei ia kiba don ka mynsiem bad kiba aiti lut ban trei na ka bynta ka imlang ka sahlang bad ruh khamtam eh kiba sngewthuh ia ka nongrim jong ka Party.
Ha kane ka sngi la ioh ruh ki jingkren na u MP Rajya Sabha Shillong u bah Ricky Andrew J. Syngkon na ka party VPP ha ka jingiadonlang ruh ki wei de ki dkhot jong ka VPP na ki thain bapher bapher.