Hynne ka sngi ka 4 Naiwieng 2024, ka Meghalaya Sports and Youth Affairs hapoh ka jingpeit jong ka Sorkar Jylla, ka la sdang ia ka State Level Youth Exchange Program bad ka ban kut ha ka 7 Tarik Naiwieng ha Convocational Hall, NEHU Shillong.
Ia kane ka program la plie pyrda da u D.D. Shira (MCS Director of Sports and Youth Affairs Government of Meghalaya), kynthup ruh ia ka jingsynran u Bah P.B. War (Assistant Director Sports and Youth Affairs), Bah .K.B.War (Assistant Director Sports and Youth Affairs), Fr. Micheal Makri, Bah D. Rapsang, ki dkhot ka Organising Committee District Sports Officer bad kiwei kiwei.
Ha kane ka program la sakhi ia ka sap jong ki samla bad ruh kyrpang na kito kiba la shah jied na ka bynta ka International Exposure Youth Programme ka ban sa long shen ha Jakarta, Indonesia.
Ia kane ka program la pynlong ban pyni ia ki sap, bad ki jinglah jong ki samla, ban kyntiew ia ka kolshor, ban pyniatylli bad pynlong kawei. Ka thong bad ka matpdeng jong ka sorkar ka long “Mynta ki samla, lashai ki Nongïalam”.