Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 6 tarik u Naiwieng ha madan Kiang Nangbah Stadium, Jowai.
Haba phai sha ka jingïakhun ka kynhun ïalehkai jong ka Khliehïongriang kala lah ban pynliem da 1-0 kol ïa ka Mynthong, ïa katei ka shikol na ka Khliehïongriang la thep da u Juhhi Langshiang haka minit ba 74. Lyngba kane ka jingjop jong ka Khliehïongriang kala ïoh bad rung syndon sha ka Semi Final jong kane ka lympung kynthup ïa ka Chutwakhu, Mooknor Thadmuthlong bad Sohmynting.
La pyntip ïa ka ‘Semi Final’ yn pynïakhun haka 11.11.2024 kan long hapdeng ka Chutwakhu pyrshah ïaka Khliehïongriang haka por 1 baje shiteng nohphai sngi.
Katba haka 12.11.2024 ka jingïakhun kan long hapdeng ka Mooknor Thadmuthlong pyrshah ïa ka Sohmynting ha ka por 1 baje shiteng nohphai sngi.
**************************