Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 7 tarik u Naiwieng ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Bataw YWSC kala jop da 1-0 kol ïa ka Pamrakmai SCSC, ïa katei ka shikol na ka Bataw YWSC la thep da u Jespar Lamare haka minit ba 36.
Katba ha ka jingïakhun kaba ar ka R.Wahshnong SC kala pynlied da 1-0 ïa ka Mukhaialong SCSC, ïa katei ka shikol na ka R.Wahshnong SC la thep da u Panegyric Rymbai ha ka minit ba 23.
La pyntip lyngba kane ka jingjop ka Bataw YWSC bad ka R.Wahshnong SC mynta ka sngi kila ïoh ban rung sha ka ‘Quarter Final’ jong ka 1st Division EJHDFA.