Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 7 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong hapdeng ka kynhun ïalehkai jong ka 7 Wasa bad ka Mukhla Raij kila poi sha ka jingïakhaid khlem don kiba ïoh ban thep kol.
Katba ha ka jingïakhun kaba ar ka Ladthadlaboh kala pynliem da 5-1 kol ïa ka Sailung Ialong, ïa kitei ki kol na ka Ladthadlaboh la thep da u Sanki Langstang haka minit ba 9 & 54, u Dowell John Shylla haka minit ba 76, u Lammida o Dkhar haka minit ba 87 bad u Medonhi Salahe haka minit ba 90. Ïa ka shikol na ka Sailung Ialong la thep da u Masan War haka minit ba 12.
La pyntip ka jingïakhun haka 8 tarik u Naiwieng, 2024 ka long hapdeng ka Shangpung Lumiawmushai pyrshah ïa ka Nangbah Mulang ha ka por 11 baje mynstep, katba ka Demthring pyrshah ïa ka Wahiajer ha ka por 2 baje nohphai sngi.