Kum shibynta ban pynkhraw ïa ka sngi Kristmas bad Snem Thymmai 2022, ka Dong Mot Maria Pyrdichnong, Mowkyndeng Madankynsaw hapoh ka jingïalam jong u Rangbah Dong ma Ïohlut F Shylla ka la pynlong ïa ka jingïakop kyntip ktien (Quiz Competition ) kaba nyngkongduh hapoh kane ka Dong ban kyntiew ïa ki samla jong kane ka Dong ban tip khambniah shuh shuh shaphang ka Baibil bad ha kajuh ka por ban pynshlur ïa ki khun samla ban mih shaphrang ha kino kino ki kam Shnong ne kam Balang ruh.
La sdang ïa kane ka jingiakop da ki jingduwai ba la ïalam da i kong Isabella Pakma.
La kren pdiang sngewbha ïa baroh da u Rangbah Dong uba la ai jingkren halor ka phang jong ka Kristmas jong mynta u snem 2021 uba la ong “Ba dei na ka bynta jong ngi ba ïa U khun la kha” Isaïah 9:6.
La wan ban sakhi ruh da ki longkmie, longkpa bad kumjuh ki khun samla na kiwei pat ki Dong.
Ki don 5 kynhun ki nongïashimbynta bad la sam ruh ïa ki Syrnod bad pisa sha ki nongïashimbynta baroh.
La pynkut ïa kane ka prokram da ka jingïadihsha bad jingshad sngewbha.