Ka jingiakhun na ka bynta ka lympung Shillong Premier League (SPL) hapdeng ka Sawmer SC pyrshah ïa ka Nongthymmai SC ka la kut noh ha ka jingiakhait, kata da 1-1 ha ka jingïalehkai ba la pynlong ha madan SSA stadium Polo Shillong.
Ka Nongthymmai ka la ioh ban pynkhih jar nyngkong lyngba u Ronald Singh Shaikhom ha ka minit ba 31 bad haduh ban da kut ka minit ba la buh ym don shuh ba lah ban thep kol, dei lyngba ka extra time ha ka minit ba 90+4 u Diego Khyriem ka Sawmer SC u la pyniakhaid ia ka jingialehkai bad pynlong ruh ba kin hap ban iasam mar shi poiñ.Hadien 5 tylli ki jingïalehkai, ka Sawmer ka dang neh mynta ha ka kyrdan ba 3, kata da ka jingioh 8 poiñ katba ka Nongthymmai ka la kiew mynta sha ka kyrdan ba 4 (7 poiñ) hadien kane ka jingialehkai bad knieh ruh ia ka kyrdan jong ka Rangdajied kaba dang ioh mynta 6 poiñ na 4 tylli ki jingïalehkai.
