Ka Joint action committee ki 21 tylli ki shnong na Mawshynrut constituency hadien ba la iakynduh ia u Bah Pynshngain N Syiem Chairman jong ka Delimitation Committee khadc ki la pyntip sha ki lad pathai khubor mynta ka sngi ka 13 tarik ban ap haduh ka 19 tarik Nohphrah bad lada kam urlong kin dang pynjur shuh shuh ia ki jingiakhih.
Shuh shuh ki la ong ba hadien ka jingiakynduh bad u Bah Pynshngain N Syiem na ka liang U bah Pynshngain N Syiem u la ong ba kin sa shong ia ka Review meeting ha ka 19 tarik ha u bnai ban wan bad kin sa shim rai haba iadei bad Kane ka jingpynhap ia ki 21 tylli ki shnong na Mawshynrut sha Rambrai constituency.
Ka jingbym treh ban pynhap sha ka Rambrai constituency ka dei namar ka la jngai shaba palat bad ki kwah beit ban hap ha Mawshynrut constituency namar ka kham suk ia ki paidbah Kane ka thain jong ki 21 tylli ki shnong jong ka Mawshynrut.
