Ka ïing bishar ba don burom lyngba u N. A. Khan (MHJS), Hon’ble Sessions Judge, West Jaiñtia Hills District, Jowai, ha kane ka 13 tarik u Naiwieng kala rai pynrem ïa u Dapbiang Lytep na ka shnong Thangthring halor ka kam beaiñ jong u hapoh ka kyndon (Section) 436 jong ka Indian Penal Code (IPC) da kaba rai set phatok haduh 6 snem ïa u.
Sa kawei ka rai shah pynrem ïa u Dapbiang Lytep ka long halor ka kyndon 506 Part – I IPC kaba bteng sa shi snem ka jingshah set phatok. Katkum ka hokum jong ka ïingbishah, baroh ar tylli kine ki jingpynshitom katkum ka kyndon 436 bad 506 Part-I IPC kin ïaid lang.