Ka Jaiñtia Arm Wrestling Association (JAWA) kala pyntip ba kan pynlong ïa ka ‘Open Arm Wrestling Championship 2024’ na ka bynta ban jied ïa ki Nongïakhun Kti kiba dei napoh ka Ri-Lum Jaiñtia Hills, ki ban leit ïashim bynta ha ka 6th Meghalaya Games ka ban sa long ha Jaiñtia Hills District ha u snem ban wan 2025.
Kino kino ki nongshong shnong napoh ka Ri-Lum Jaiñtia (Shynrang bad Kynthei) kiba kwah ban ïashim bynta ki lah ban pynpoi ïa ki kyrteng jong ki ha ka ophis jong ka Bouncer Association of Meghalaya Jaiñtia Hills (BAM-JH) kaba don ha Iawthymme Ladthadlaboh Jowai, ha ka 19 tarik Naiwieng naduh ka por 10 baje mynstep haduh 4 baje janmiet na ka bynta ban ïoh thew ïa ka jingkhia (Weighing) jong ki nongiashim bynta.
Ïa ka jingïakhun yn pynlong ha ka 20 tarik u Naiwieng, 2024 (Wednesday) ha District Library Auditorium Mynthong Jowai naduh ka por 10 baje mynstep.
Na ka bynta kito kiba la ïoh 1st bad 2nd Place ha ka State Level Arm Wrestling Championship 2024 yn ym shah ïa ki ban wan ïashim bynta. Ïa ki jingtip ba kham bniah lah ban phone ha une u number 6009594717, 9383225807. Kane ka long katkum ka kyrwoh ba la phah da u President Incharge ka JAWA ma Yoosar Kynjing.