Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 18 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka R.Shkenshynriah SC kala pynliem da 1-0 kol ïa ka R.Iawpynsing SC, ïa katei ka shikol na ka R.Shkenshynriah SC la thep da u One enjoy Dkhar haka minit ba 32.
Ha ka jingïakhun kaba ar kaba la long hapdeng ka Sutnga SSCC bad ka Ladrymbai-B SC kila poi sha ka jingïakhaid da mar 2-2 kol, ïa ki kol na ka Sutnga SSCC la thep da u Laxman Lamare haka minit ba 19 (Own Goal) bad u Skhemborlang Rupai haka minit ba 45+2. Katba ïa ki kol na ka Ladrymbai-B SC la thep da u Sam Shylla haka minit ba 49 bad u Rimetre Lyngdoh haka minit ba 76.
La pyntip ka jingïakhun lashai ka sngi 19 tarik u Naiwieng kan long hapdeng ka Dhana SC pyrshah ïa ka Thangskai Tiger SC haka por 11:45 pm, katba ka Khliehriat West YWSC pyrshah ïa ka Chiehruphi SC ha ka por 2:15 pm.