Hapoh ka jingpyniaid jong ka Directorate General of Mines Safety (DGMS), Guwahati Region, Guwahati, la pynlong ia ka jingialang kaba shisngi halor ka “Ka jingpyniaid bad jingpyndonkam kaba shngain ia ki tiar pynbthei ha ki par mawshun,” ha ka Star Club community hall jong ka M/s Star Cement Limited ha ka 20 tarik u Nailur, 2024.
Ka jingthmu jong kane ka prokram ka long ban pynsngewthuh hapdeng ki nongtih mawshun ki ophisar bad ki nongtrei kiba bat bad pyndonkam ia ki tiar pynbthei ha ki par mawshun katkum ka jingbuh beit buh ryntih da ka Limestone mines Assam bad Meghalaya States hapoh ka jingpeit jong ka ophis Guwahati Regional.
Ha kane ka jingïalang la pyni ïa ki dur bad jingkren da u Shri A. K. Mishra, Director of Mines Safety (DMS), ka Guwahati Region bad U Shri G. Sanjay Kumar, Director of Mines Safety (DMS) na ka Eastern Zone, Sitarampur. U Director jong ka Mine Safety u la ai ka jingbatai kaba bniah shaphang ki rukom pyndonkam ia ki tiar pynbthei ha ki rukom ba shngain.
Shuh shuh la ioh ruh ia ka jingkren na u Shri Ankur Rathod, Assistant Manager ka M/s Star Cement Limited, U Shri Manoj Kumar Singh, Mines Manager, M/s Dalmia Cement(Bharat) Limited, Shri Krushna Chandra Sahu, Mines Manager, M/s Meghalaya Cement Limited bad u Sh Shisupal Singh, u ophisar ka Blasting ka M/s Lafarge Holcim.
Ki nongiashim bynta ki la ioh ruh ia ka lad ban iashim bynta ha ka jingiakren kaba ioh jingmut bad ki ophisar jong ka DGMS, ban wad ia ki rukom treikam kiba bha tam bad ki jingeh kiba iadei bad ka jingbuh ia ki tiar pynbthei bad ka jingpyndonkam ia ki, ka jingkit bad kiwei kiwei ki kyndon ain kiba iadei bad ki tiar pynbthei. Kumba 80 ngut ki heh ophisar bad ki nongtrei na ki par mawshun bapher bapher jong ki seng bapher bapher kum ka M/s Star Cement Limited (SCL), M/s Star Cement Meghalaya Limited (SCML), M/s Dalmia Cement (Bharat) Limited, Dalmia Cement North East Limited, M/ s Cement Corporation of India (CCI), M/s Amrit Cement, M/s Hill Cement, M/s Barak Valley Cement Ka M/s Lafarge ka la ïashim bynta ha kane ka jingïalang.
Ka jingialang ka la ioh ia ki jingkynthoh kiba bha, ha kaba ki nongiashim bynta ki la ai khublei ia ki ophisar jong ka DGMS na ka bynta ka jingshimkhia kaba ki la shim ha kaba kyntiew ia ka jingshngain ha ki kam kiba iadei bad ka jingtih mawshun. Ki nongwan ki la pynpaw ka jingkyrmen na ka bynta ki jingïalang ha ki por ban wan halor ki phang bapher bapher jong ka jingïada ban bteng ban pynbha ïa ki kyndon jingïada ha kylleng ka thaiñ. U Shri D.V. Ramanayya, Agent (Mines) bad Management jong ka M/s Star cement, Meghalaya Ltd. ki la pynlong ïa kane ka prokram kaba jop da ka jingtrei shitom jong ki.
