Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 21 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka R.Shkenshynriah SC kala pynliem da 2-0 kol ïa ka Ladrymbai-B SC, ïa kitei ki kol na ka R.Skhenshynriah SC la thep da u Mardiphon Rymbai haka minit ba 13 bad u Iaishah Bareh haka minit ba 61.
Ha ka jingïakhun kaba ar ka Sutnga SSCC kala pynliem da 3-1 kol ïa ka R.Iawpynsing SC, ïa ki kol na ka Sutnga SSCC la thep da u Lalrem Kung Hmar haka minit ba 24 & 52 bad u Raplangki Lyngdoh haka minit ba 90+5. Katba ïa ka kol na ka R.Iawpynsing SC la thep da u Sixkiru Lyngdoh haka minit ba 90+1.
La pyntip ba ka jingïakhun lashai ka sngi 22 tarik u Naiwieng kan long hapdeng ka Dhana SC pyrshah ïa ka Khliehriat West YWSC haka por 11:45 AM, katba ka Chiehruphi SYWSC pyrshah ïa ka Thangskai Tiger SC haka por 2:15 PM.