Ka All Meghalaya Kickboxing Association mynta ka sngi ka 23 Naiwieng 2024 ka la wan pyntip paidbah ha Shilong Press Club halor ka jingwan rah nam ki khynnah ialehkai ka jylla ha ka Naitonal Kickboxing Championship kaba la long ha ka jylla Kerala naduh ka 14 tarik – 17th Tarik November 2024.
Haba kren sha ki lad pathai khubor na ka liang u President jong Ka All Meghalaya kickboxing u bah Samuel Hashah u la ai khublei ia ki khynnah ialehkai ka jylla kiba la wanrah nam ha ka jingialehkai kickboxing kaba la la pyniaid da ka Kickboxing Association of Kerala.
Shuh shuh u la ong ba ki don 21 ngut ki khynnah ialehkai ka jylla kiba leit iashimbynta ha kane ka rynsan bad baroh 21 ngut ki la wanrah medal ia ka jylla.
U ai khublei kyrpang ia ki kmie ki kpa kiba la shah ia la ki jong ki khun ban ia leit iashim bynta ha ka jingialehkai Kickboxing bad kumjuh ia ki skul bad ki college kiba la shah ia ki khynnah ban shim bynta ha kane ka rynsan ialehkai kickboxing kaba la long ha jylla Kerala. Ka jylla Meghalaya ka la iohrah ruh ia ka nam 2nd Runner’s Up ha kane ka jingialehkai Kickboxing.
Khatduh khatwai u la kyntu ia ka sorkar ban leh ei ei na ka bynta kine ki khynnah kiba la wanrah nam ia ka jylla bad ban ai da ki scholarship ia baroh ki khynnah ialehkai Kickboxing kiba la wanrah nam ia ka jylla.
U ai khublei kyrpang ia u MLA ka Khliehriat u bah Kyrmen Shylla, MLA Mawshynrut u Bah Methodius Dkhar, MLA Ranikor Pius Marwein bad kiwei kiwei ki riewshimet kiba la noh synniang ha kane ka jingleit shimbynta jong ki khynnah ialehkai Kickboxing ka jylla ha Kerala.
Ki khynnah kiba ioh rah ha ka Gold medal ki long 9 ngut.
Ha ka Sliver Medal ki khynnah kiba ioh rah ki long 6 ngut.
Ha ka Bronze Medal ki khynnah kiba iohrah ki don 6 ngut.
Baroh ki khynnah kiba ioh medal ki long 21 ngut.
