Ïa ka lympung ïalehkai phutpol bala tip kum ka 7th Interdong Football League-2024 bala pynïaid da ka Khlachympa Spors & Cultural Club, Nongtalang West Jaiñtia Hills District la pynhap pyrda mynta ka sngi saitjaiñ 23 tarik u Naiwieng, ha kaba ka kynhun ïalehkai jong ka Chnongthmai SC kala long ka lahduh da kaba pynliem 4-1 kol ïa ka Chnongklor SC.
Haba phai sha ka jingïakhun ïa ki kol na ka Chnongthmai SC la thep da u Carlious Pohrmen ha ka minit ba 1 & 15, u Sebarious Pohtam haka minit ba 35 bad u Marshial Nongrum ha ka minit ba 60. Katba ïa ka shikol na ka Chnongklor SC la thep da u Primerose Lamat haka minit ba 25.
Ïa kane ka lympung yn wan ban pynhap pyrda da u kongsan ma H. Nongtdu uba dei ruh u Ex CEM ka JHADC, ha ryngkat ka jingdonlang u synbud kongsan ma Arbor Hima Darnei MDC ka Saipung (Constituency), ki nongkitkam ka KS&CC nalor kiwei de.
Ïa ka nam Player of Tournament la ïoh da u Remiwell Pohchen, Man of the Match ïoh da u Carlious Pohrmen, ïa ka nam Best striker la ïoh da u Marshial Nongrum baroh lai ngut ki dei na ka Chnongthmai SC, ïa ka nam Best goal keeper la ïoh da u Bahpynhun Myrchiang na ka Nongtalang Mission Youth Club, Promising Player la ïoh da u Chyllong Padu na ka Chnongklor SC bad ïa ka Discipline Team la ïoh da ka Amlariang SC.
La pyntip ba ka kynhun jong ka Chnongthmai SC kala ïoh bat ïa ka nam lahduh la ar snem mynta naduh u 2023 bad 2024.
