Ka jingiakhun hapdeng ka Wahkaji S&CC pyrshah ia ka Rangblang United FC hynne ka sngi ka 23 Naiwieng, ka la kut noh ha ka jingiakhaid, kata da 1-1 ha ka jingialehkai ba la pynlong ha madan MDSA mini stadium, Mawkyrwat South West Khasi Hills.
Ha katei ka jingiakhun, ka Wahkaji ka la ioh ban pynkhih jar nyngkong lyngba u Firstbornson Thongni ha ka minit ba 3 bad haduh ban da kut ka kylla step, ka Rangblang ka khlem ïoh ban pynphai. Hadien ka kylla step ka rukom ialehkai ka la kham pher bad khlem da pynlehnohei ia ki minit ialehkai, ka Rangblang ka la ioh ban pynphai ia katei ka shikol.
Hadien 4 tylli ki jingïalehkai ka Wahkaji ka la ioh ban khur 7 poiñ katba ka Rangblang ka dang ioh tang 1poiñ. Napdeng kane ka Group B, ka Demnar SC ka dei ka kynhun kaba la ïoh ia ka jingtikna ban jam sha ka quarter final jong kane ka lympung mynta ka samoi.
