Ka kynhun ïalehkai phutbol jong ka Meghalaya ka la ioh ia ka kabu ban jam sha ka wat ba khatduh (final round) jong ka lympung Santosh Trophy 2024 lyngba ka jingiasam mar shi poiñ bad ka Assam hynne ka sngi ka 24 Naiwieng 2024.
Ka jingiakhun jong kine ki kynhun kiba khlaiñ ka la kut ha ka jingiakhaid da 1-1 hynrei namar ba ka Meghalaya ka la ioh lypa 2 tylli ki jingjop, pyrshah ia ka Arunachal Pradesh bad Nagaland ka la ioh ban tam poiñ ia ka Assam bad rung sha ka kawei pat ka wat jong kane ka lympung napdeng ka group E.
U Damanbhalang Chyne na ka Meghalaya uba la khur ia ka khusnam ‘Player of the Match’ ha kane ka jingiakhun u la ioh ban thep shi kol ha ka minit ba 56 katba ia ka shi kol na ka bynta ka Assam la ioh ban thep da u Dirpu Mirdha ha ka minit ba 88 lyngba ka penalty.