Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 25 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka kynhun ïalehkai jong ka Ladthadlaboh kala pynliem da 12-0 kol ïa ka Shangpung Lumiawmushai, ïa kitei ki kol na ka Ladthadlaboh la thep da u Rangdajied Sayoo haka minit ba 10, 31 & 58, u Sanki Langstang haka minit ba 21, u Banteilang Shylla haka minit ba 25 & 53, u Buromlangki Salahe haka minit ba 42 & 86, u Medonhi Salahe haka minit ba 49, u Samuel Phawa haka minit ba 76 & 77 bad u Jervisly Rymbai haka minit ba 84.
Katba ha ka jingïakhun kaba ar Nangbah Mulang kala pynliem da 3-0 kol ïa ka 7 Wasa United, ïa kitei ki kol na ka Nangbah Mulang la thep da u Niponghi Sumer marwei haka minit ba 23, 26 & 31.
La pyntip ka jingïakhun haka 27 tarik u Naiwieng, 2024 ka long hapdeng ka Mukhla Raij SC pyrshah ïa ka Shangpung Lumiawmushai ha ka por 11 baje mynstep. Katba ka 7 Wasa United kan ïakhun pyrshah ïa ka Demthring SC ha ka por 2 baje nohphai sngi.