Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 25 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong hapdeng ka kynhun ïalehkai jong ka Sutnga SSCC bad ka Khliehriat West YWSC kila poi sha ka jingïakhaid da mar 2-2 kol, ïa ki kol na ka Sutnga SSCC la thep da u Neesta Feeco Bamon haka minit ba 90+2 bad u Deligent Pdang haka minit ba 90+3. Ïa ki kol na ka Khliehriat West YWSC la thep da u Moneshwar Mohela haka minit ba 12 & 45+1.
Katba ha ka jingïakhun kaba ar ka Dhana SC kala pynliem da 2-1 kol ïa ka R.Iawpynsing SC, ïa ki kol na ka Dhana SC la thep da u Nidapynio Dkhar haka minit ba 31 bad u Phon khaii haka minit ba 90. Ïa ka shikol na ka R.Iawpynsing SC la thep da u Sumar Bareh ha ka minit ba 52.
La pyntip ka jingïakhun haka sngi 26 tarik u Naiwieng kan long hapdeng ka R.Shkenshynriah SC pyrshah ïaka Thangskai Tiger SC haka por 11:45 am, katba ka Ladrymbai-B SC pyrshah ïa ka Chiehruphi SYWSC haka por 2:15 pm.