Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 27 tarik u Naiwieng ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong hapdeng ka kynhun ïalehkai jong ka Mukhla Raij SC bad Shangpung Lumiawmushai kila ïapoi sha ka jingïakhaid (0-0) khlem don satia kiba ïoh ban thep kol.
Katba ha ka jingïakhun kaba ar ka Demthring SC kala lah ban pynliem da 2-0 kol ïaka 7 Wasa United, ïa kitei ki kol na ka Demthring SC la thep da u Wadshwa Lato haka minit ba 65 bad u Marshial Nongrum haka minit ba 90+1.
La pyntip ba ka jingïakhun ha ka 28 tarik u Naiwieng, 2024 ka long hapdeng ka Nangbah Mulang pyrshah ïaka Sailung Ialong haka por 11 baje mynstep. Katba ka Wahiajer kan ïakhun pyrshah ïa ka Ladthadlaboh SC ha ka por 2 baje nohphai sngi.