Ka lympung ïalehkai phutbol jong ka kyrdan Super Division Football Tournament-2024 kaba la tip kum ka 4th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 29 tarik u Naiwieng, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun kaba nyngkong ka kynhun ïalehkai jong ka Chiehruphi SYWSC kala pynliem da 2-1 kol ïaka R.Shkenshynriah SC, ïa ki kol na ka Chiehruphi SYWSC la thep da u Premi Muksor haka minit ba 27 bad u Coming Dkhar haka minit ba 39. Ïa ka shikol na ka R.Shkenshynriah SC la thep da u Areas Khan haka minit ba 35.
Ha ka jingïakhun kaba ar ka Sutnga SSCC kala pynliem da 1-0 kol ïa ka Dhana SC, ïa katei ka shikol na ka Sutnga SSCC la thep da u Lalremkung Hmar haka minit ba 89 lyngba ka free kick.
La pyntip ka jingïakhun ha ka sngi 30 tarik u Naiwieng kan long hapdeng ka Thangskai Tiger SC pyrshah ïaka Ladrymbai-B SC haka por 11:45 am, katba ka Khliehriat West YWSC pyrshah ïa ka R.Iawpynsing SC haka por 2:15 pm.