U Deputy Commissioner, ka West Jaiñtia Hills District, mynta ka sngi ula pynmih hukum ha kaba ïadei bad kiba shong die jingdie ha ki lynti ïaid kjat paidbah (footpath) bad ha ki rud surok hapoh Jowai khamtam ha ki bynta jong ka Iawmusiang.
Kane ka hukum ka la khang pyrshah ïa ka rukom shong die jingdie beaiñ ki nongdie madan ha sor Jowai kaba la buh jingeh bad buh jingma ïa ki paitbah namar kim ïoh lad shuh ban ïaid ha ki lynti ïaid kjat hynrei ki la hap ban ïaid ha pdeng surok, kane ka wanrah khamtam ïa ka jingdheng kali khah khah hapoh sor Jowai bad ka wanrah ruh ïa ka jingjia aksiden namar ka jingkhapngiah palat ka surok. Ïa katei ka hukum yn pyntreikam naduh ka 6 tarik u bnai Kyllalyngkot 2022.
Kane kan long ruh kum shi bynta ban teh lakam ïa ka jingsaphriang u jingpang khlam ba thymmai uba la tip kum u Omicron ong ka hukum.
