Ka Klob Nangkiew Irat SC ka la mad ia ka jingjop kaba 5, kata hadien ka jingjop da 4-2 pyrshah ia ka Nongthymmai SC ha ka jingiakhun ba la pynlong da ka Shillong Sports Association (SSA) ha madan SSA stadium Polo Shillong.
Katei ka jingjop ka la wan hadien ba u Wallam Nongkhlaw u la ioh ban thep 2 kol, kata ha ka minit ba 54 bad 80 bad 2 kol na u Ronaldky L.Nonglait ha ka minit ba 70 bad 90. Ka Nongthymmai ka la ioh ban pynphai tang 2 kol lyngba u Ronald Sing Shaikom bad shi kol na u rangialehkai ka Manipur, u Sorokkhaibam Meitei ha ka minit ba 61.
Lyngba kane ka jingjop, ka Nangkiew Irat ka la knieh ia ka kyrdan ba nyngkong na ka Lajong FC, kata da ka jingioh 15 poiñ na 7 Tylli ki jingialehkai katba ka Nongthymmai ka dang neh ha kaba 6 da ka jingioh 7 poiñ na 6 tylli ki jingïalehkai mynta ka samoi.
