Ki samla pule kiba long kum ki Scouts & Guides, kila shim bynta haka 8th Winter Annual Camp cum Youth Leadership Training 2024 ba la pyniaid da ka Meghalya Bharat Scouts & Guides (MBS&G), West Jaintia Hills District. Ia kane ka programme la pynlong ha Achiever’s Secondary School, Ummulong, WJHD kaba la sdang naduh ka 6 tarik bad kan kut haduh 10 tarik Nohprah.
Ha ka sngi plie ia kane ka programe iaka jingialang la pyniaid da ka kong S. Tariang, Vice-President MBS&G, West Jaintia Hills haka jingdonlang u D. Syngkon uba mihkhmat napoh District School Education Officer, West jaintia Hills, u Ohiwot Laloo Joint State Secretary MBS&G bad u Trippleson Muksor Principal Achiever’s secondary School, Ummulong, kong Dolly Lamare, District Orgainser Guides, MBS&G, WJHD bad kiwei.
U ma D. Syngkon haba kren ula ai ka jingiaroh iaka Meghalaya Bharat Scouts & Guides, West Jaintia Hills halor ki kam kiba ka leh ha ka imlang sahlang ha kane ka Districrt kumjuh sha kiwei de ki jaka bad kyntu ruh iaki khynnah bad samla Scouts bad Guides ban don iaka akor burom.
Na ka liang u ma O. Laloo haka jingkren ula kren halor ka Winter Annual Camp kaba don ka thong halor ban ai jinghikai iaki samla Scouts-Guides shaphang ka rukom dustur jong ka Scouts-Guides Movement bad kyrpang shaphang ka Leadership.
Ha kane ka sngi la sam certificate sha baroh ki khynnah bad samla Scouts & Guides kiba ioh pdiang iaka Rajya Puraskar Award 2024.