Ka lympung ïalehkai phutbol jong ka kyrdan ‘Super Division Football Tournament – 2024’ ïa kaba la tip kum ka “U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi 7 tarik u Nohprah ha madan Kiang Nangbah Stadium, Dongmihsngi Jowai.
Ha ka jingïakhun Semi Final kaba ar ka kynhun ïalehkai jong ka Nangbah Mulang kala pynliem da 3-0 kol ïa ka Ladthadlaboh, ïa ki kol na ka Nangbah Mulang la thep bakla (Own Goal) da u Dangaitlang Mulieh ha ka minit kaba 48, u Timmy Ryngkhlem ha ka minit kaba 85 bad u Niponghi Sumer ha ka minit kaba 90+2 jong ka jingialehkai.
Lyngba kane ka jingjop jong ka Nangbah Mulang kala ïoh ban rung sha ka phainal jong kane ka lympung, ha kaba kan ia kynduh bad ka Demthring SC ha kane ka phainal.