Ka Chilliangraij Sports & Games Committee ha kane ka 7 tarik u Nohprah kala pynhap pyrda ïa ka 13th Tiger Five Football Tournament 2024, ha ka jingdonlang u ma EMH Passah, Working President WJDSA kum u kongsan, ha ryngkat u ma DH Pde, Waheh Chnong, ma C. Niangti, Symbud Waheh Chnong, ma O. Shylla, General Secretary, u ma MayalangLanong, Secretary Sports & Games, Dorbar Chnong Chilliangraij nalor kiwei de.
Ha kane ka lympung mynta u snem la wan ban ïashim bynta haduh 29 tylli ki kynhun ïa kaba la sdang naduh ka 17 tarik Naiwieng, 2024.
Ki artylli ki kynhun kiba la poi sha ka jingïakhun phainal ban knieh ïa ka nam lahduh haka 13th Tiger Five Football Tournament 2024 ki long ka Carpedium FC pyrshah ïa ka Tur Chaphrang FC.
Ha ka jingïakhun phainal kala long kaba ïakhaid bha bala pynïaid da u National Referee ma Romanium Syngkon, hynrei ha kaba kut na ka liang ka kynhun ïalehkai jong ka Tur Chaphrang FC kala jop da 3-2 kol ïa ka Carpedium FC.
Ïa ki khusnam sha ki nongjop naduh ki Trophy lem bad ka song pisa la sam da u kongsan ma EMH Passah, ïa ka nam Top Scorer bad Best Goalkeeper la sam da u Cheini Niangti, Symbud Waheh Chnong bad ka kong M.Pde, Secretary Women’s Committee, Dorbar Chnong Chilliangraij.
