Ka tnat ri dohkha, ka sorkar Meghalaya, ryngkat ka jingiatreilang bad ka National Fish Development Board ka la pynlong ia kane ka jingpynsngewthuh paidbah ha kaba ia dei bad ki skhim bapher bapher kiba hap hapoh ka Ministry jong ka Fisheries, Animal Husbandry bad Dairying jong ka sorkar India ha ka 9 tarik Naiwieng, 2024 ha Directorate of Fisheries, Shillong.
Haba plie ia kane ka jingpynsngewthuh paidbah, ka kong A. L. Mawlong, MCS, Director ka tnad ri dohkha, Meghalaya ka la iaroh bad pynpaw ia ka jingsngewnguh ia ka jingpyrshang jong ka tnad ri dohkha, ka sorkar India bad ka National Fish development Board bad ka la pynshlur ia ki nongiashim bynta ban wan shakhmat na ka bynta ban kyntiew ia ka jingpynmih dohkha ha ki Jylla, da kaba ioh jingmyntoi na ki skhim bapher bapher kum ka PMMSY, PMMKSSY, FIDF, KCC, Entrepreneurship model, Aquaculture Insurance, GAIS bad kiwei kiwei na ka bynta ban kyntiew ia ka jingpynmih dohkha jong ki.
U Shri. U A. K. Borah, OIC, NFDB NERC ula ai khublei ia kiba wan iashim bynta ha kaba u la batai lyngkot ruh halor ka thong jong kane ka jingialang. U Dr. Sanjay Kumar Das, u Saiantis ba ha khlieh duh jong ka ICAR RC NEH, Umiam, Meghalaya ula pynshlur ia ki nongiashim bynta. 50 ngut ki nongiashim bynta kiba kynthup ia ki Ophisar na ka NIFPHATT, CIFNET, NFDB, ka tnad ri dohkha ka jylla, ki nongri dohkha, ki nongmihkhmat na ki FFPO, ki Fisheries Cooperative Society, ki nongrep kynthei bad kiwei kiwei ki la wan ban iashim bynta ha kane ka prokram.