Ka Hynniewtrep Integrated Territorial Organisation (HITO) Jowai Circle, ka khot ia kito ki candidate kiba ialeh ia ka exam LDA-Cum-Typist jong u snem 2021, ban pan jingshai na u Deputy Commissioner ka West Jaintia Hills District, ban khot ia ka interview ha ka 17.12.2024, kat kum ka RTI ba la ujor da ka seng ha ka 17.09.2024, kam don ka jinghun jong ki candidate kiba iakhun ia kane ka Post.
Ka seng kat kum ka complain kaba la ioh napdeng ki katto katne ki candidate kiba ialeh ia kane ka post, la pynshlur ia ki ban mih sha khmat la shai ka sngi, khnang ban ioh ia ka sakhi kaba biang lyngba ka jinglam khmat ka seng kaba long kum ka jingpynshlur ia u wei pa uwei ne kawei pa kawei u ne ka Candidate, khnang ban lait ka jingshaknieh ia la ka jong ka hok.
U President ka seng u Owansaki Paswet u la ong ba ka kamram jong ki candidate ban mih shakhmat ka long ba khnang ba kiwei pat kin ioh ia ka nuksa khnang ban lait ka jingniew shiliang kumjuh ruh ban ioh ka jingbishar kaba khuid kaba suba.