Ka seng saiñ hima sima jong ka Voice of the People Party (VPP) kala pyntip ba lashai ka sngi Balang 18 tarik u Nohprah, 2024 kan pynlong ïa ka jingïalang ban pynithuh paidbah ïa ki kyrtong jong ka, ki ban ïeng ïakhun ïaka Election MDC jong ka Jaiñtia Hills District ka ban long ha une u snem ban wan 2025.
La pyntip ïa kane ka jingïalang pynithuh yn pynlong ha Iawmusiang ha stand Ummlong, ha ka por 11 baje mynstep, ha kane ka sngi ki nongïalam ba hakhmat jong ka party kynthup ïa u President rangbah ka seng u bah Ardent Miller Basaiawmoit un wan ban ïadonlang nalor kiwei de.
Ha ka juh ka por ka VPP ka khot sngewbha ïa ki paidbah nongshong shnong ka Ri-Lum Jaiñtia khamtam ïa ki nongkyrshan ban ïawan sha kane ka jingïalang kum ka dak ban ithuh ïa ki kyrtong ka seng VPP sha ka JHADC.