Ka Seng All Jaintia Muster Roll labour Worker Union ha ka 18 tarik Nohprah 2024 ka la wan sha nongbah Shillong na ka bynta ban pynlong ia ka jingshong shah thngan kaba khlem buh por kum shi bynta ban dawa na ka sorkar ia la ka hok khamtam ha kaba iadei bad ka jingslem jong ka sorkar ban pynkiew ia ka tulop jong ki.
Haba kren sha ki la pathai khubor na ka liang ka President jong ka Seng all Jaintia Muster Roll Labour Worker Union ka Kong Dayoowanphi Iakai ka la ong hadien ba la phah bun tylli ki shithi pynkynmaw sha ka sorkar, halor ka jingdawa jong ki ka All Jaintia Muster Roll Workers & Labour Union ban pyllait noh ia ka Basic flow rate kaba dei ka nong jong ki kaba sorkar hi ka lah dep mang man la ka san snem hynrei mynta ba lah palat ka san snem kim pat ioh satia.
Shuh shuh ka la ong,” hynnin ka sngi, na ka liang ka tnad finance jong ka sorkar jylla, ki kular ban pyllait noh ia ka order bad phah sha ka tnat labour hapoh 7 baje, hynrei haduh ba lah palat ka 7 baje ruh kim iohi satia ia ka orders wat haduh kine ki sngi , na kata kadaw kaba la pynlong ia ki ban poi sha nongbah shillong ban pynlong da ka jingiakhih shong shah thngan ba khlem buh por haduh ba kan pyllait noh ia ka tulop jong ki bad ka la ong ruh hangno ka roi ka par kan kiew lada ka sorkar kam pyrkhat ia ngi ki rit ki ria” bynrap ka President Ka All Jaintia Muster Roll Labour Worker Union.
