U Myntri ba peit ia ka tnad District Council Affairs u Bah Prestone Tynsong ha ka 17 tarik Nohprah 2024 u la pyntip ba na ka Liang u Lat u la mynjur ia ki tarik ban pynlong ia ka Elekshon MDC sha ka Khasi hills Autonomous District Council (KHADC) bad ka Jaintia Hills Autonomous District Council (JHADC) ka ba long ha u bnai Rymphang 2025.
Haba kren sha ki lad pathai khubor u bah Prestone Tynsong u la ong “Ka jingthep kyrteng jong ki kyrtong sha ka elekshon KHADC bad JHADC, kan long naduh ka 27 tarik Kyllalyngkot 2025 haduh 5 tarik Rymphang 2025 , ka jingthep vote kan long ha ka 21 tarik Rymphang bad ka jingniew vote kan long ha ka 24 tarik Rymphang 2025, u la pyntip ruh ba ka model code of conduct kan treikam naduh ka 27 tarik Kyllalyngkot 2025 ha baroh 2 tylli ki District council la ka long ki skhim sorkar ne ki skhim MDC ngin bud pyrkhing bad ngin sa ai ia ka notification ha ka 27 tarik Kyllalyngkot”.