U President jong ka MPCC, Bah Vincent H Pala hynne ka sngi ka 19 tarik Nohprah 2024 u la pynbna paidbah ia ki kyrteng jong ki kyrtong ki ban iakhun ia ka Elekshon MDC ka ban long ha ka 21 Rymphang 2025.
Katkum ka jingpynshai u President, la ong ba kine ki kyrtong ba la pyllait kyrteng mynta ka sngi ki dei kiba la jied shwa ne kiba don ha ka thup ba nyngkong (first list) katba ia ki kyrtong ki ban dang sah yn sa pynbna hadien katto katne sngi. U la ong ruh ba na KHADC kin don sa 14 ngut ki kyrtong ki ban sa pyllait hadien ka jingrai ba khatduh.
“Shwa ka Khrismas ngin pynbna ia ki kyrtong namar ki briew ki khmih lynti bha na ka Congress. Nga i kumba lada ka Congress hi kam pat pynbna kam don ka jingkhihwin” ong u Bah Pala.
U la pyntikna ruh ba ia ki kyrtong la pdiang ruh naduh ka khlieh treikam kaba don ha nongbah Delhi. Ha kaba iadei bad ka jingpynsah ia kiwei ki constituency kiba dang lait, u la ong ba bun ki nong aplai mynta ka samoi kumta ka shimpor khyndiat ban shim ia ka jingrai.
