Katkum ka jingpynbna khubor ba la pynmih da ka ophis ophis jong u Chairman ka Central Recruitment Board, Meghalaya Police, Shillong katkum ka No. 05.12.2024, la pyntip sha baroh ki kandidate ba ki admit card na ka bynta ka Physical Efficiency Test (PET) jong ki 4 (saw) tylli ki centers ba kynthup ia ka – 1 . st MLP Bn., Mawiong, Shillong; 2nd MLP Bn., Goeragre, Tura; 4th MLP Bn.,Sohpian, Nongstoin bad ka 5th MLP Bn., Samanda, Williamnagar ki lah ban download naduh ka 16 tarik u Nohphrah 2024 lyngba ka website jong ka Meghalaya Police website – www.megpolice.gov.in.
La kyrpad ia ki kyrtong kiba jied ban pynkylla ia ka tarik PET ba kin sngewbha ban ai ia ka aplikeshon sha u Member Secretary jong ka Central Recruitment Board, Meghalaya Police ha ka Ophis jong ka Central Recruitment Board, Mawroh, Shillong lane lyngba ka email ha policetrg-meg@gov.in bad upload ia baroh ki kot ki sla kiba donkam.
La shah ïa ki kyrtong ban pynkylla ïa ka tarik jong ka Physical Efficiency Test (PET) tang shisien, tangba ka jingkyrpad ka long katkum ki daw kiba biang. Ka tarik ba khatduh ban pdiang ia ka aplikeshon ban pynkylla ia ka jaka kan long ha ka 2 tarik January, 2025 bad yn ym pdiang shuh ia kiba wan palat por.
Shuh shuh la bthah ïa ki kyrtong ba kin peit man ka por ïa ka website jong ki pulit ka Meghalaya na ka bynta ki jingtip ba thymmai, bad na ka bynta kino kino ki jingkylli, lah ban iakynduh ia ka ophis Central Recruitment Board kaba don ha Mawroh, Shillong lane pynpoi lyngba ka helpline no.6033164273, hapoh ka por bad ki sngi longtrei.