Ka Hills State People Democratic Party (HSPDP) ha ka 20 tarik Nohprah 2024 ka la pynbna 8 ngut ki kyrtong ki ban iakhun ia ka Elekshon sha ka KHADC bad JHADC ka ban sa long ha ka 21 tarik Rymphang 2025. .
Ia kine ki kyrtong la pule bad pynbna da u General Secretary jong ka Party HSPDP u Bah P.L Ryntathiang.
Ka HSPDP ka la pynieng 6 ngut ki kyrtong na Khasi Hills Autonomous District Council bad 2 ngut na Jaintia Hills Autonomous District Council.
Napdeng kine ki kyrtong kiban iakhun ka HSPDP ka la pynïeng ruh ia u President jong ka Party u Bah KP Pangngiang u ban iakhun na Rambrai Jyrngam bad ka Pyrsa trai jong u Ma Hoping Stone lyngdoh (L) MLA barim jong ka Nongstoin ka Kong Badariti Lyngdoh Nonglait ka ban iakhun na Nongstoin.
Shuh shuh na ka Liang u General Secretary ka Seng HSPDP u la ong ka HSPDP kan sa pynbna biang ia ka thup kyrteng kaba 2 shen.