Ka Lamyrsiang SC ka la long ka lahduh ha ka lympung ialehkai photbol Super Division jong ka Saipung Block Sports Association (SBSA), da kaba ka la lah ban pynliem ia ka Pyrdung SC da 4-2 kol ha ka jingiashut tie Braker, ha ka jingialehkai kaba la long ha kane ka 20.12.2024.
Haba phai sha ka jingiakhun kala long kaba itynnad bad kaba mar ia biang bor na baroh ar tylli ki kynhun. Hynrei ha ka minit kaba 9 jong ka jingiakhun ka Pyrdung SC ka la ioh ban pynkhih ia ka jar lyngba u Phrangsngi Pakma. Hadien kane na ka liang ka Lamyrsiang SC kaba la iakhun tyngeh ban siew ia katei ka kol, kumta ha por shwa ban kut ka ka por jong ka jingiakhun kata ha ka minit kaba 90 ka Lamyrsiang SC ka la ioh ban siew ia katei ka kol lyngba u Jefferson Surong, kumta ka jingialehkai ka la poi sha kaba kut bad la bteng da ka jingiakhun sa da ka Extrra Time, hynrei ha kane ka Extra Time ym shym don ba la ioh ban thep kol ne pynkhi jar, kumta ka jingialehkai ka la poi sha ka jingiashut Tie Breaker, ha kaba ha kane ka jingiashut tie Breaker ka Lamyrsiang ka la ioh ban thep 4 kol katba ka Pyrdung SC 2 kol, ha kaba ka Lamyrsiang SC ka long ka lahduh mynta u snem ha kane ka lympung.
Ka lahduh ha kane ka lympung ka la ioh ban rah ia ka song pisa kaba 50 hajar tyngka, katba ka kynhun kaba wan ba ar ka Pyrdung SC ka la ioh ban rah ia ka song pisa kaba 30 hajar tyngka ryngkat ki trophy.
Ha kane ka sngi la sam ruh ia ka khusnam Player of the Tournament kaba la ioh da u Lissus Suja na ka Lamyrsiang SC, Top Scorer of the Tournament sha u Sehgouthang Tuboi na ka Mulait United, Best Goal Keeper Keeper la ioh da u Sbing Chyrmang na ka Pyrdung SC bad ia ka nam Player of the Match sah u Share Mukhim na ka Lamyrsiang SC.
Ia ki khusanm la sam da u kongsan ma Francis Swer haka jingiadonlang President SBSA, u Dominic Pala, Victor Suja, Working President ka EJHDFA James Sutnga lem bad ki dkhot ka SBSA bad ki ba shah khot sngewbha.