Ka Kripa Victoria Senior Citizen Home kawei na ki kynhun trei mon sngewbha kaba ri sumar ia ki tymmen ha ka thain Nongsder Ri bhoi District ha ka 21 tarik Nohprah 2024 ka la lehkmen ia ka Pre Christmas Celebration.
Ha kane ka sngi lehkmen la wan ban ia don bynta lang da ki kynhun niam bapher bapher ,ki tymmen ba shong ba sah ha kane ka jaka sumar bad kumjuh ha ka jingdon ryngkat ki paidbah bad kiwei de.Haba kren ha kane ka sngi na ka liang u Director ka kripa foundation u Bah Sherrad Wahlang u la ong, ” Ngi la pyrshang naduh ba ngi sdang ia kane ka jaka ri sumar ia ki tymmen ngi sngewthuh ba kim don kmie kpa kim don bahaïing bahasem ym baroh, ki don ki meiieid ki bym don bahaing bahasem ki ia long marwei ,kat ka khristmas ngi sngewtynnad ban ia don lang shiïng ngi pynlong kane ka lehkmen Christmas bad ki balang bapher bapher bad ka Christmas ka long ka jinglehkmen ban ia don lang baroh bad ngi sngewkmen ba ngi ia ia don lang kumne baroh” Shuh shuh u la ong, “ka jingthmu jong u Father Perera u nongseng ia ka Kripa foundation u thmu ban shu ri tang kito ki ba kyrni ha ka jingdihdroks, na ka liang ka ïing ka sem ki la don ka jingthmu ban leh ei ei na ka bynta ki tymmen kumta ki la shna ia kane ka jaka ban ri tang ia ki tymmen ki don katto kattne ki jaka thiah ki bym donkam jingsiew bad ki don ki jaka thiah shimet ki ba hap siew, ki don ki jaka shongkai ,ki jaka lehkai, bad kiwei kiwei de.” Ki don ki jingeh ha ka por ba ban phah sumar ia ki tymmen namar ha ki Primary Health Centre , Community Health Centre kim da biang ki tiar bad hap donkam beit da ki hospital hynrei na ka liang ka Kripa Victoria kan sa pyndep noh ia kawei ka jaka sumar barit na ka bynta ki ki tymmen kiba ri sumar ha kane ka jaka bad da ka jingiasnohtki lang bad ki doctor ban wan iarap shisien ha ka shitaiew ym tang ha kine ki jaka ri ia ki tymmen wat kumjuh ia ki nongshnong shong jong ka Ribhoi bad ki lah ban jingshakri khambha na ka bynta jong ki paidbah”.
