U Nickhil Carter uba dei ruh u Dkhot jong ka kynhun ba pawnam ha ka pyrthei ha ki snem 1996 ia kaba la ithuh kum ka Backstreet Boys, un sa wan ban rwai ha ka Nongbah Shillong ha ka 21 tarik Lber 2025.
Watla u dang don ha ka kynhun haduh mynta, hynrei u Nick uba la pynmih ia la ki thup jingrwai (Album) marwei bad ban kyntiew ruh ia ka thup “Who I Am” ha kylleng ka pyrthei kynthup ha Asia ha kaba un sa leit ban rwai ha Bangkok ha ka 17 Rymphang 2025. Kane ka jingthmu jong u ban wan ha India kadei ruh na ka bynta ka “Who I am Tour”, ha kajuh ka por un rwai ruh katto katne ki jingrwai ba pawnam jong ka kynhun.
Naduh u snem 1993 ba u la don bynta bad ka kynhun Backstreet Boys, u Nick u la pyllait 4 tylli ki studio Album kiba dei jong u shimet kynthup 4 tylli ki music video.