Ka lympung ïalehkai phutbol bala tip kum ka Thadlaskeiñ Football League bala pynïaid daka Thadlaskeiñ Sport Association kaba la long mynta ka sngi 6 tarik u Kyllalyngkot, 2025 ha madan mini Stadium Wahiajer West Jaiñtia Hills District.
Haba phai sha ka jingïakhun ba nyngkong ka Wahshangiar kala pynliem da 1-0 kol ïa ka Lumkynsaw, ïa katei ka shikol na ka Wahshangiar la thep da u Pynskhemlang Muktieh ha ka minit ba 70.
Ha ka jingïakhun kaba ar ka Phyllongingkhaw kala pynliem da 6-0 kol ïa ka Nongthymme Nongdhar, ïa ki kol na ka Phyllongingkhaw la thep da u Juhki Suting ha ka minit basdang 1, u Philemon Suting ha ka minit ba 16 & 53, u Dameki Suting ha ka minit ba 25 & 30 bad u Vincent Suting ha ka minit ba 27.
Katba ha ka jingïakhun kaba lai kaba la long hadpeng ka Umjlasiaw pyrshah ïa ka Lumshyrtoh kila poi sha ka jingïakhaid khlem don kiba thep kol (0-0).
La pyntip ka jingïakhun lashai ka sngi 7.1.2025 ha ka por 10 baje mynstep ka Ryntih Mynsngat pyrshah ïa ka Madur, ha ka por 12 baje mynsngi ka Mukhla Veteran pyrshah ïa ka Nartiang, katba ha ka por 2 baje nohphai sngi ka Grounded pyrshah ïa ka Onfroy United.