Ka Synjuk Nongsynshar Shnong jong ka Par Umkhen ba kynthup ia 15 tylli ki shnong ha ka 6 tarik Kyllalyngkot 2025 ka la wan pyntip sha ki lad pathai khubor ha Shillong Press Club ban pyrshah jur ban pynlong ia ka jingialang Paidbah (Public Hearing ) ha Nonghali halor ka jingthmu ka sorkar ban buh ia ka marten hapoh katei ka shnong.
Haba kren sha ki lad pathai khubor na ka liang u President jong ka Synjuk Nonsynshar shnong kaba hap hapoh 3 tylli ki district ka west Jaintia hills, Ri bhoi district, bad ka East Khasi hills u la ong , “Da ka mynsiem kaba Sngewkhia ngi wan ban pynpaw ba ha kine ki kyndiat sngi ngi la iohi ia ka jingkren lyngkot jong ka Dorbar shnong Nonghali lyngba u Sordar bad Secretary shnong Nonghali kiba la batai ia ka jingleit peit ka jong ki ia ka waste management plan kaba don ha Goa bad kiwei ki state ,ngi wan hangne ban pynshai bad pynrem halor ka jingpynmih ka jong ki ban batai bad pynbiej ia ki Paidbah bad ka jingwan peit ka jong ki ka long bym don jingktah bad ka jingthmu jong ka sorkar ban wanrah ia ka marten hapoh ka shnong Nonghali”
Kane ka dei ka issue kaba la slem bha na ka Liang jong ngi ki Synjuk Nonsynshar shnong Par Umkhen kiba shnong hane ka rud wah umkhen ngi la pyrshah naduh kaba sdang ba ka sorkar kaba wan ban survey ia kane ka jaka,naduh ba ka sorkar ka don jingthmu ban buh ia kane ka jaka hangtei hapoh Nonghali.
Kum ka Synjuk Nonsynshar shnong ngi la pynpaw ia ka jingpyrshah ym dei tang ka kyntien hynrei ngi la pynher da ki shithi ha ki ba bun ki tnad sorkar ngi lah ai lyngba ki nongmihkhmat ha ki 3 tylli ki district ,ngi lah ai sha ki Dc jong ki 3 tylli ki District, sha ka Khasi hills Autonomous District Council bad khamtam eh sha u Minister Urban bad kumjuh ruh sha u Director jong ka tnat urban ha ki snem ba lah dep.
Ngi wan hangne ym dei ba ngi pyrshah ia ka Dorbar Shnong Nonghali kaba ai jaka ia ka sorkar ,ngi wan ban pyrshah namar ka ktah ia ki nongshong shnong jong ka Nonghali.
Shuh shuh na ka liang u President jong ka Synjuk Nonsynshar shnong jong ka Par Umkhen u la bynrap “ha ka jingialang ha ki bnai ba la dep hangtei ha jingkieng umkhen kawei ka sur ba ngi la rai paidbah ha ka jingialang ban ong ba ngin ym shah ia ka sorkar ban pynlong ia ka public hearing bad ngi la iohsngew ba ka sorkar kan pynlong ia ka public hearing ha ka 9 tarik Kyllalyngkot ha ka sngi palei , ngi la ioh jingtip da kaba shai na ki nongshong shnong ka Nonghali ba ka Dorbar shnong Nonghali ka la khot ia ka Dorbar ba ka sorkar kan pynlong ia kane ka Public hearing ia ka jingthmu ban buh ia ka marten hapoh ka shnong Nonghali”.
Na ka liang ka Synjuk Nonsynshar shnong ngi sngewlyngoh ia kane ka jingthmu jong ka sorkar ka dei ka buit barieh jong ka. Ha ki snem la dep hadien ka jingiakynduh bad ka sorkar ka la ong ba kan ym pynlong ia ka public hearing lada don kino kino kiba pyrshah bad ngin nym ialeh pyrshah bad ka la ai da ka jingthoh bad na ka liang ka sorkar ka ong ba kan sa pynshai ia ki jingthoh ha ka public hearing bad kaba sngewlyngoh ba tang 3 sngi ka sorkar kan sa pynlong ia ka public hearing bad kam shym la ai jingthoh ia ngi ka Synjuk Nonsynshar shnong jong ka Par Umkhen, bad da leilei ngim ailad ban pynlong ia kane ka public hearing, bad ngi pynpaw sha ka sorkar sangeh syndon ia kane ka jingpynlong ia ka public hearing , lada ka sorkar ka thom da ka bor na ka liang ka Synjuk jong ki 15 tylli ki Dorbar shnong ngi ruh ngim salia ban shim da ka rai kaba tyngeh ban thom da ka bor haba iadei bad kane ka jingthmu jong ka sorkar ban pynlong ia ka public hearing.
Shwa ban pynkut u la ong “ngim ailad ia ka sorkar ba kan pynlong ia kane ka public hearing ngin thom beit da ka bor da jia katba jia ruh ia kane ka jingwan jong kane ka public hearing kan urlong ha kato ka sngi bad kata ka dei ka jingpynpaw jong ka Synjuk ba ngin nym kwah ba ka public hearing kan wan ha ka 9 tarik une u bnai.
