Ka Sorkar Jylla mynta ka sngi, hapoh ka jingialam jong u Myntri Rangbah Conrad K. Sangma ka la rai bad pynbeit thymmai ia ka dor bylla na ka bynta ki nongtrei bylla ha ka jylla. Ia kane ka jingpynbeit ba thymmai la rai ha ka jingialang ki Myntri sorkar ha Polo orchid, Sohra.
Katkum ka jingpynbeit thymmai ka ban treikam noh kan long kumne, na ka bynta ki Highly skilled ym hap ban siew noh 645 tyngka na ka 586 tyngka, ia ki skilled 605 tyngka na ka 530 tyngka, ia ki semi skilled 565 tyngka na ka 474 bad ia ki unskilled 525 tyngka na ka 419.
U Myntri Rangbah u la pynshai bad ai bor ruh ba ia kino kino ki nongai bylla ki bym pyntreikam katkum katei ka dor ba la buh, ki nongbylla lane kino kino ki riew paidbah ki lah ban mudui sha ka tnad Labour jong ka Sorkar bad ka tnad kan leh ia kaba donkam.
