U Working President Ka Seng Khun Hynñiewtrep National Awakening Movement (KHNAM) u Bah Thomas Passah u la ong ba ki tnad sorkar ki dei ban bud pyrkhing bha ïa ka jingsiew bai bylla kaba la pynkylla (Revised Minimum Wages).
Haba kren sha ki lad pathai khubor ha ka 11 tarik Kyllalyngkot u la pynpaw ka jingsngewnguh ia ka sorkar kaba la pynkiew ia ka bai bylla minum namar kane kan ai jingmyntoi shibun ia ki nongtrei casual ha baroh ki bynta.
U la pynpaw ia ka jingsngewkhia ba katto katne ki tnad sorkar kim pyntreikam ia ka dor bai bylla kaba rit tam.
Shuh shuh u la ong ka KHNAM kan sa thoh sha ka tnad Labour khnang ba ki tnad sorkar ki dei ban bud ryntih ïa ki kyndon jong ka Regular Casual Worker scheme, 1996.
