Ka seng Meghalaya People’s United Front (MPUF) Laskein Circle ha ka 11-01-2025 ka la ioh ban pynthymmai bad pynskhem ia ki nongkit kam ba thymmai jong ka na ka bynta u snem 2025 -2028, ha kaba la ioh ban sakhi lang ryngkat da ki dkhot jong ka sengkmie, ha kane ka sngi la pyniaid ia ka jingialang da u Phrangshwaki Suiam.
La ioh ia ki kyntien lamkhmat da u President ka MPUF East Jaintia u Kyrshan Blah, bad la ioh ruh ia ka jingkren lyngkot na u Incharge ka Nartiang Circle u Chalbester Myria u ba bat ruh ia ka post Education Secretary ha Central Body jong ka seng bad la shim ia ka bynta ba kongsan ban sneng bad kyntu ia ki dkhot da u president Rangbah ka seng u samla D.Wanmi Laloo bad ha ka juh ka por la pyntian smai ia ki dkhot baroh jong ka seng ia kaba la tip kum ka Laskein Block Circle.
Ki nongialam jong ka seng ki kynthup ia u President Chiborlang Dhar, Vice President Phrangshwaki Suiam, General Secretary Peter ram Sutnga bad kiwei de ki nongkitkam.