Ka Aga Khan Academy kawei na ki skul kaba don hapoh Hyderabad ka la ioh ban jied biang 4 ngut ki khynnah na ka jylla ban leit pule pyntbit ha katei ka academy khlem kano kano ka jingpynlut kaba bei tyngka beit napoh katei ka academy naduh klas 6 haduh klas 12.
Ha u Snem 2022-23 ki khynnah kiba shah jied ha kane ka academy ki long 4 ngut bad mynta ka kynti u Snem 2024-25 ka Aga khan academy ka la jied biang sa 4 ngut ki khynnah.
209 ki la shah jied ban iakhun ia ka exam bad na ka 209 ngut ,20 ngut ki la shah jied ban leh ia ka final interview bad na ka 20 ngut ki khynnah, 4 ngut ki la shah jied ban leit sha ka Aga khan Academy.
Ka ba sngewtynnad ka pynlong ia kitei ki khynnah bad ki kmie ki kpa jong ki ban pynpaw ka jingsngewkmen ha kaba ki la shah jied ban leit pule sha katei ka skul hapoh Hyderabad khlem da pynlut wat tang shityngka ruh.
Haba kren ha kane ka sngi na ka liang u Director of School Education and Literacy u Swapnil Tembe u la ong kane ka Aga khan Academy lyngba ka jing iarap ka tnad skul jong ka Jylla kala leit kylleng ki skul kiba don ha ka jylla ban ioh ia kitei ki 4 ngut ki khynnah pule ki tbit kiba la pass ia ki test bad ki interview kiba pher ba pher bad shah jied ha kane kane ka Academy.
Na ka Liang U Dean jong ka Aga Khan Academy u Arjunpuri u la pyntip ba ka academy ka ju wad ia ki khynnah pule kiba tbit ha ka bor pule bad ruh ha ki sap ki phong bapher la ka long ka seng kam semgjam, ne ki jingialeh kai bapher bapher, bad ban ia khun ha ki exam bapher kum ka IAS bad kiwei kiwei ki exam.
Ki 8 ngut ki khynnah skul ka Jylla kiba la shah jied ha kane ka jaka hikai ka Aga Khan Academy ki long: U Snem 2024-25 West Jaintia Hills – Jowai- Government Public School – Wanmon War.East Khasi Hills – Shillong – Shillong Public SS – E Phrangdame G Pariat. West Khasi Hills – Nongstoin- Sib Singh Memorial Govt Higher Secondary- John Kennedy Puwein. East Khasi Hills – Shillong – Shillong Public SS – Rangkynsai J Tariang.
U Snem 2022-23 West Khasi Hills – Nongstoin – St Xavier’s Secondary School – Banteibok MarweinWest Khasi Hills – Nongstoin – Mawrang Upper Primary School- Kheinkor Marthong. West Khasi Hills – Nongstoin – St Peter Higher Secondary School – Jefferson Pariong East khasi Hills – Shillong – Dr. Radhakrishnan Boys Secondary School- Anuvbhav Dey.