Ki nongsait jaiñ nong kiba im ja da kaba Saitjaiñ na Mawlai Umthlong kila kyrkhu kyrdoh ia u Bah Teiborlang Pathaw uba la Sngap bad pynurlong ia ka jingkwah jong ki ban don ka jaka Saitjaiñ ka ban ker bad da na ka sngi bad u slap ba kin ïoh ban sait khlem kano kano ka jingshah pynthut.
Ha ba kren ha kane ka sngi ka wei ka longkmei kaba im ja bad pynbiang ia ka ïing ka sem da kaba Saitjaiñ nong kala ong mynta ngi la ïoh ban sait beit jaiñ ha ka dewbilat ym kum ha ki por ba la dep ha kaba ki hap ban pyndonkam ha ka dabor ban sait jaiñ bad ki kitbok kitrwiang ia u bah Teiborlang ba un dang jop biang kum u MDC ba un lah ban trei bad pynbiang ia ka jingdonkam jong ki nongsait jaiñ.
Na ka liang u bah Teiborlang Pathaw haba kren ha kane ka sngi u la ong kum u Nongmihkhmat ha la i bor ibarit u peit bad sngap ia ka jingud jong ki paidbah khamtam kiba saitjain kiba im jakpoh na kane ka jaka. Haba u iohi ba kane ka dei ka wei na ki lad ban ai kam ai jam na ka liang jong u ruh u la shim khia bad pynurlong.
U la ong ba wat la ka skhim MDC ka dei kaba rit hynrei u pyntreikam ia ka da kaba bishar bniah kaei kaba ki Shnong ki thaw ki don kam eh.
U la ong ba wat la u dei tang u MDC hynrei u pyrshang ban peit ia ka jingdonkam jong ki paidbah ka skhim JJM ka la urlong, ka jingpyntrei ia ka 100 sngi ka la urlong dei na ka jingtreishitom, wat la don kiba pynsngewthuh bakla ba ka dei tang ka jingpynbeij jong u bah Pathaw hynrei paidbah peit hi ma phi kato ka top ka ieng mynta, ka treatment plan ka la iaid hato ka dei ka jongpynbiej ne ka dei ka jingshisha la ong u bah Pathaw.
Shwa ban pynkut u la ong lada ki paidbah ki dang ibit ia u ban long u Nongïalam un sa leh ia ka wei ka project ban pynkhuid ia kane ka um bad kan long ka jingmyntoi ia ki paidbah.
