Ka Nongdawah sc bad ka YC Pdengkarong kila khur jingjop haka jingialehkai ”11th Pdengshakap Secondary school invitation Football Knock-out Tournament” kaba la pyniaid daka Dorbar shnong Pdengshakap. Kane kala wan hadien baka Nongdawah sc kala jop iaka Friend United da 2-1.
Iaki arkol jong ka Nongdawah sc la ioh ban thep da u Babetto Mawthoh haka minit kaba 26 bad u Baehbok Sari haka minit kaba 39, katba iaka shikol jong ka Friend United la ioh ban thep da u Johi Mynsang haka minit kaba 66.
Haka jingialehkai kaba ar pat ka Yc Pdengkarong kala jop iaka Shkenpyrsit sc da 3-1, iaki kol jong ka Yc Pdengkarong la ioh ban thep da u August Buam uba la thep arkol kata haka minit kaba 44 ,79 bad u Batskhem Pohshna haka minit kaba 50, katba iaka shikol jong ka Shkenpyrsit sc pat la thep da u John Mukhim haka minit kaba 45.
Yn bteng biang iaka jingialehkai haka 25 tarik mynta u bnai ka ban dei ka jingialehkai 2nd round ba nyngkong haka por 12 baje ka Kynrumlang-i pyrshah iaka Brother Enterprises katba haka por 2 baje nohphai sngi pat ka Rymbai Shkenshynriah sc pyrshah iaka Amlanai Young Boys.