Ka Dongmusa (Ceremonial Torch) jong ka Meghalaya Games 2025 kaba hynriew kan wan poi lashai ka sngi ha nongbah Jowai, kaba pyni ia ka jingsdang noh jong kane ka jingialehkai kaba heh hapoh ka jylla.
Kane ka Donmusa kan pyni ia ka mynsiem jong ka jingiatylli, ka mynsiem ieit jingialehkai Ia kane ka Dongmusan yn pynpoi sha Iungwalieh jong ka Dorbash Shnong Lumkyrwiang. Hangne yn pynlong ia ka jinglehburom bad yn buh ia ka na ka bynta ba ki paidbah kin ioh lad ban wan ban peit ne sakhi naduh ka por 2:00 baje janmiet shaneng.
Kane ka Meghalaya Games kan wanrah lang ia ka jingialong kawei jong ki nongialehkai sport hapoh ka jylla, ka mynsiew iakhun ha ki liang baroh bad ruh ban lehkmen ha ki rukom ialehkai bapher bapher jong ka jylla Meghalaya. Kane ka Games ka don ka jingthmu ban ai mynsiem ia ki samal bad ruh ban kyntiew shaphrang ia ka mynsiem ialehkai sport, ka jingkoit jingkhiah bad ka jingiatylli.
Na ka liang ki nongpyniaid jong ka Ceremonies Committee ka 6th Meghalaya Games 2025 ki khot sngewbha ia baroh ki nongshong shnong ban wan iashim bynta ha ka jingpdiang burom ia ka jingwan poi jong ka Dongmusa ha Jowai kum ka dak ka jinglehkmen ia ki rang bad thei ialehkai jong kane ka Meghalaya Games 2025.