Ka United Democratic Party (UDP) ha ka 20 tarik Kyllalyngkot 2025 ka la pynbna 4ngut kyrteng ki ban ia aireng ia ka Elekshon sha ka KHADC bad JHADC.
Ia ki kyrteng jong ki kyrtong la pule bad pynbna da u Bah Jemino Mawthoh General Secretary jong ka Seng UDP.
Ha kane ka sngi ba pynbna ia ki kyrtong la ia don ryngkat lang da ki Nongkitkam jong ka Party UDP naduh u President Bah Metbah Lyngdoh , Working President Bah Titos W Chyne ki nongkitkam ka UDP Women Wings bad ki nongkyrshan jong ki kyrtong kiba la shah pynbna ha ka thup kyrteng mynta ka sngi.
Ka UDP ka la pynbna 4 ngut ki kyrteng kynthup ia u MLA Jong ka Sohiong u Bah Synshar Kupar Roy Thabah u ban iakhun na Sohiong ,u Bah Lee Trevor S Bareh u ban iakhun na Jirang ,u Bah Anthony Khongwang na Nongshken bad u Bah Meiowan Pasi u ban iakhun na Nangbah Mih Myntdu na Jaintia Hills Autonomous District Council.
Na ka liang jong u Bah Metbah Lyngdoh President Rangbah jong ka UDP u la ong na ka liang ka party kan kyrshan met bad mynsiem bad wanrah jingjop ia baroh ki kyrtong ki ban iakhun ia ka Election MDC sha ka KHADC bad JHADC bad u la pyntip ba ka Party UDP kan sa pyllait noh shen ia ka thup kyrteng kaba khatduh ki ban iakhun ia ka MDC sha KHADC bad JHADC.