Ka ceremonial torch jong ka 6th Meghalaya Games 2025 lane ka Dongmusa ka la pyndep ïa ka jingïaid lynti jong ka kaba jngai haduh 360 km, da kaba sdang na Tura Shillong bad poi sha ka District jong ka West Jaiñtia Hills (WJH) ha nongbah Jowai mynta ka sngi. Ia katei ka sharak mynta la pynieng da ka jingsngew sarong ha ïing dorbar jong ka Lumkyrwiang, Jowai.
Ia kane ka jingwan jong ka Sharak ne Dongmusa jong ka Meghalaya Game la pynlong da ka jingiaid paidbah kaba la sdang na Hyperfuse Café ha Chahtngit, lyngba ka Iawmusiang, Mission Compound, bad Lumkyrwaing. Ha kane ka sngi la synran lang ïa kane ka sharak da ka athlete ka kong Heimonki Khaii bad u nongïalehkai golf u Jason Kerchwami Passah.
Ha ka 21 tarik Jymmang, 2025, ha ka por 2:00 PM, yn rah ïa ka sharak sha ka jaka plie paidbah ha Wahiajer, kaba pyni ïa ka jingsdang jong ka 6th Meghalaya Games hapoh kane ka District.
Ki riew pawkhmat kiba la wan ban ïashimbynta ha kane ka sngi ki kynthup ïa u MLA ka thaiñ uba dei ruh u Chairman ka MUDA u ma Wailadmiki Shylla, u Working President John F. Kharshiiing, Vice President ka MSOA bad u Chairperson jong ka Reception Committee na ka bynta kane ka jingïalang ha ka State Level, ka Smt. Matsiewdor War Nongbri, General Secretary ka MSOA F Pariat bad u Headman ka Lumkyrwiang ma Lamat O. Laloo.
Ka jingplie paidbah ïa ka Meghalaya Games kan long ha Wahiajer da ka jingdonlang u Myntri Rangbah ka Jylla u Conrad K. Sangma, ha ryngkat u Myntri ka tnad ïalehkai ka Jylla u Shakliar Warjri, bad kiwei kiwei ki riew donburom.