U Myntri Rangbah Conrad K. Sangma ha ka sngi ka 21 Kyllalyngkot 2025 kaba dei ruh ka sngi ha kaba ka jylla ka rakhe ia ka jingdap 53 snem ka Jylla Meghalaya ia ka jingioh ia ka Jylla ba pura, u la buh ia u Mawnongrim na ka bynta ban shna thymmai ia ka Secretariat (New Secretariat Building) jong ka Jylla ha New Shillong.
Ha katei ka program la don ryngkat ruh katto katne ki Myntri Sorkar kiba kynthup ia u Bah Prestone Tynsong, Bah Sniawbhalang Dhar, Kong Ampareen Lyngdoh bad kiwei kiwei.
Ha kaba iadei bad ka thong jong ka Sorkar na ka bynta ka jylla, u Myntri Rangbah u la ong ba ka Secretariat ba thymmai kan ym dei tang ka ïing (building) hynrei kan dei ka lynti na ka bynta ban pynheh ia ka Nongbah Shillong. U MR u la iathuh ruh ba katba ka Sorkar Jylla katba ka nang pyntyllun ia ki jait projek bapher bapher ka pyni ruh ba kine ki dei ruh ki Nongrim ba ka jylla jong ngi kadei kaba don ia ka jingroi bad ka jingtip.
“Ka Secretariat ba thymmai ka thew ne pyni ba ka jylla ka shlan ban pynpaw ia kata ka jingangnud bad ka thing bad ruh ngin ieng kum ka dak jong ka jingkyrmen na ka bynta ka Jylla Meghalaya ka ban iai phyrnai bad kaba kham khraw” ong u Myntri Rangbah.
Kane ka Projek ba thymmai kadei ruh ka jingsarong bad ka jingseisoh ka Sorkar MBA 2.0 hapoh ka jingialam u Myntri Rangbah Conrad K. Sangma ha kaba la sakhi ba man u bnai, la ioh ban pdiang shibun ki skhim bad ki projek na ka bynta ban pynkylla dur ia ka jylla kynthup ka jingkyntiew ia ka pule puthi bad ki samla kiba khlem kam.
Ha kane ka Sngi u MR u la pyllait bad pynbna ruh ia ka ‘Social Sector Schemes’ kaba kot 63 klur tyngka na ka bynta 6000 ki nongtreikam Lajong hapoh bad lyngba ka jingtreikam jong ka CM Elevate, Focus, Green Meghalaya+ & Tourism Infrastructure Project.